har koi hae dil ki hatheli py sehra rakhy

ہر کوئی دل کی ہتھیلی پہ ہے صحرا رکھے
کس کو سیراب کرےوہ کس کو پیاسا رکھے

عمر بھر کون نبھاتا ہے تعلق اتنا
اے میری جان کے دشمن تجھے اللہ رکھے

ہم کو اچھا نہیں لگتا کوئی بھی ہم نام تیرا
کوئی تجھ سا ھو تو پھر نام بھی تجھ سا رکھے

دل بھی پاگل ہے اسی ایک شخص سے وابستہ ہے
جو کسی اور کا ھونے دے نہ اپنا رکھے

ہنس نہ اتنا بھی فقیروں کے اکیلے پن پر
جا خدا میری طرح تجھ کو بھی تنہا رکھے

یہ قناعت ہے،اطاعت ہے کہ چاہت ہے فرؔاز
ہم تو راضی ہیں جس حال میں جیسا رکھے