جو لوگ کچھ نہیں کرتے کمال کرتے ہیں

نگاہ پھیر کے عذرِ وصال کرتے ہیں
مجھے وہ الٹی چھری سے حلال کرتے ہیں

Nigah phair k uzr-e-wisaal kartay hain
Mujhay who ulti churii say halal kartay hain

زبان قطع کرو، دل کو کیوں جلاتے ہو
اِسی سے شکوہ، اسی سے سوال کرتے ہیں

Zubaan Qata karo ,Dil ko kuin jalatay ho
Isi say shikwa,isi say sawal kartay hain

نہ دیکھی نبض، نہ پوچھا مزاج بھی تم نے
مریضِ غم کو یونہی دیکھ بھال کرتے ہیں

nah daikhi nabz,nah pocha mizaaj bhi tum nay
Mareez-e-Gham ko younhi daikh bhaal kartay hain

مرے مزار کو وہ ٹھوکوں سے ٹھکرا کر
فلک سے کہتے ہیں یوں پائمال کرتے ہیں

Mere mizaar ko who thoukraoun say thukra kar
Falak say kehtay hain youn paamaal kartay hain

پسِ فنا بھی مری روح کانپ جاتی ہے
وہ روتے روتے جو آنکھوں کو لال کرتے ہیں *

Pas-e-Fana bhi meri rooh kaamp jati hay
Who rotay rotay jo aankhoun ko laal kartay hain

اُدھر تو کوئی نہیں جس سے آپ ہیں مصروف
اِدھر کو دیکھیے، ہم عرض حال کرتے ہیں

Udhar to koi nahin jis say aap hain masroof
Idhar ko daikhye,ham arz-e-Haal kartay hain

یہی ہے فکر کہ ہاتھ آئے تازہ طرزِ ستم
یہ کیا خیال ہے، وہ کیا خیال کرتے ہیں

Yahi hay fikr kah hath aaye taaza Tarz-e-Sitam
Yeh kya khyal hay,who kya khyal kartay hain

وہاں فریب و دغا میں کمی کہاں توبہ
ہزار چال کی وہ ایک چال کرتے ہیں

Wohi Fareeb-o-Dagha main kami kahan toba
Hazaar chaal ki who aik chaal kartay hain

نہیں ہے موت سے کم اک جہان کا چکر
جنابِ خضر یونہی انتقال کرتے ہیں

Nahin hay moat say kam Ek jahan ka chakar
Janab-e-Khizr Younhi inteqal kartay hain

چھری نکالی ہے مجھ پر عدو کی خاطر سے
پرائے واسطے گردن حلال کرتے ہیں

Churi nikali hay Mujh par Aadow ki Khatir
Paraye wastay Gardan halal kartay hain

یہاں یہ شوق، وہ نادان، مدعا باریک
انھیں جواب بتا کر سوال کرتے ہیں

Yahan yeh shauk,who nadaan,Mudaa Bareek
Unhain jawaab bata kar Sawal kartay hain

ہزار کام مزے کے ہیں داغ الفت میں
جو لوگ کچھ نہیں کرتے کمال کرتے ہیں

Hazaar kaam mazay k hain Daagh Ulfat main
Jo log Kuch nahi kartay Kamaal kartay hain